Душанбе, 23.02.2016. (АМИТ «Ховар»). — 22 феврали соли равон дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокинони ноболиғи 16 ва 17-солаи шаҳри Кӯлоб барои даст доштан дар ҷинояти дуздӣ дастгир гардиданд. Муайян карда шуд, ки гумонбаршудагон аввалҳои моҳи феврали соли равон дар ҳудуди кӯчаи «50-солагии Тоҷикистон»-и шаҳри Душанбе аз дасти зани 20-солаи сокини ноҳияи Рӯдакӣ ҳамёнашро, ки дар дохилаш як планшет, шиноснома ва 65 сомонӣ дошт, ҷамъ ба маблағи 550 сомонӣ тасарруф намуда, аз ҷойи ҳодиса ғайб задаанд.
Нисбат ба далели мазкур парвандаи ҷиноятӣ оғоз шуда, тафтиш давом дорад.