Қурғонтеппа, 25.05.2016 /АМИТ Ховар/. Нимаи дуюми имрӯз дар доираи баргузории Рӯзҳои фарҳанги вилояти Хатлон дар Бадахшон дар назди Хонаи фарҳанги ноҳияи Ванҷ намоиши ҳунарҳои мардумӣ ва фурӯши маҳсулоти кишоварзии вилояти Хатлон доир гардид. Тавре аз шуъбаи иттилоотӣ-таҳлилии дастгоҳи раиси вилояти Хатлон иттилоъ доданд, ҳамзамон маҳфили адабӣ бо иштироки адибони Хатлонзамин дар Хонаи фарҳанги маркази ноҳия баргузор гардид.
Инчунин бояд зикр намуд, ки шоми имрӯз дар варзишгоҳи марказии ноҳия барномаи консертӣ таҳти унвони «Шоми дӯстӣ» бо иштироки ҳунармандони вилоят баргузор мегардад.
