Темурмалик, 21.05.2016 /АМИТ «Ховар»/. Сокинони ноҳияи Темурмалик барои дар сатҳи баланд гузаронидани раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон, ки 22-юми майи соли равон доир мегарданд, ҳамаҷониба омодагӣ дида, дар участкаҳои интихоботӣ барои интихобкунандагон тамоми имкониятҳоро фароҳам оварданд.
Тавре раиси ҳавзаи раъйпурсии Темурмалик №62 Шамсулло Сатторов иттилоъ дод, дар ноҳия 32 участкаи райъдиҳӣ мавҷуд буда, 295 ҳазору 544 нафар овоздиҳанда ба қайд гирифта шудааст. Аз ин шумора 615 нафар бори аввал овоз медиҳанд.