Душанбе, 02.04.2016. (АМИТ «Ховар»). Артиши Миср дар шимоли Синай 65 ҷангии гурӯҳи террористии ба ном «Давлати исломӣ»-ро маҳв кард. Дар ин бора агентии «ТАСС» бо истинод ба сомонаи «Ал-Балад» хабар дод.
Бино ба иттилои манбаъ, террористон зимни амалиёти муштараки неруҳои Миср, ки дар шаҳрҳои Шайх Зубайд ва Рафоҳ гузаронида шуд, маҳв гардидаанд. Ҳамчунин амбори нигоҳдории яроқ, лавозимоти ҷангӣ ва сӯзишвории ҷангиён хароб карда шуд. Гуфта мешавад, ки ба амалиёт ҳавопаймоҳои ҳарбӣ низ сафарбар шуда буданд.
Илова бар ин, тибқи иттилои сомонаи «Ал-Балад», ҳавопаймоҳо дар марз бо Либия 12 воситаҳои нақлиёти қочоқчиёнро хароб кардаанд.
↧
Артиши Миср 65 ҷангии ДИ-ро дар Синай маҳв кард
↧