Душанбе, 23.03.2016. (АМИТ «Ховар»). – «Котиби давлатии ИМА Ҷон Керри зимни сафари худ ба Маскав амалҳои террористӣ дар Брюсселро баррасӣ хоҳад кард», — эълом дошт намояндаи расмии Департаменти давлатии ИМА.
Ӯ зикр намуд: «Сабаби асосии сафари Ҷон Керри ба Маскав — албатта, вазъият дар Сурия мебошад. Аммо дар ин муҳокима истисно кардани ҳодисаи дар Брюссел рухдода ғайриимкон аст, махсусан, агар изҳорот дар бораи масъулияти таркишҳо ҳақиқат бошад».
«Вашингтон интизор надорад, ки зимни ин сафар ояндаи сиёсии президенти Сурия Башор Асад муайян гардад», — афзуд манбаъ.
Ӯ ҳамчунин таъкид кард, ки «ҳамлаҳои ҳавоии ҷории Русия бар зидди гурӯҳи террористии ба ном «Давлати исломӣ» ва «Ҷабҳат ан-Нусра» равона шудаанд, на ин ки бар зидди мухолифин».
↧
Ҷон Керри зимни сафари худ ба Маскав амалҳои террористӣ дар Брюсселро баррасӣ хоҳад кар
↧