Душанбе, 22.03.2016. (АМИТ «Ховар»). — Имрӯз дар Наврӯзгоҳи пойтахт мусобиқаи паҳлавонон аз гӯштини миллӣ оғоз ёфт. Дар он 50 нафар беҳтарин паҳлавонҳо ширкат доранд.
Тавре хабарнигори АМИТ «Ховар» аз Наврӯзгоҳ иттилоъ дод, дар ин мусобиқа туҳфаи аз ҳама олӣ-автомашинаи сабукрав ба мусобиқа гузошта шудааст. Супоридани дигар туҳфаву ҷоизаҳо низ дар назар аст.
Пагоҳ ҳамчунин дар Наврӯзгоҳ аспдавонҳо ба мусобиқа шурӯъ хоҳанд кард.
