Душанбе, 18.03.2016. (АМИТ Ховар).- Ба ШВКД дар ноҳияи Вахш зани 58-солаи сокини ҳамин ноҳия муроҷиат намудааст, ки шаби 16 марти соли равон тахминан соати 00:30 4 шахси номаълуми ниқобпӯш ғайриқонунӣ вориди ҳуҷраи хобаш шуда, бо истифода аз корд ва чӯби бо худ овардаашон ба тарафи ӯ ва духтараш, зани 32-сола, ҳуҷум намуда, бо тариқи зӯроварӣ аз дохили сумкаи занона 65 ҳазор сомониро тасарруф намуда, аз ҷойи ҳодиса ғайб задаанд.
Дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия ду марди 25-сола, яке сокини ноҳия Вахш, дуюмӣ сокини ноҳияи Дӯстӣ ва сокини 23-солаи шаҳри Қурғонтеппа бо гумони содир намудани ҷинояти роҳзанӣ дастгир шуданд. Далелҳои шайъӣ қисман гирифта шуданд.
Аз рӯи ин ҳодиса парвандаи ҷиноятӣ оғоз гардида, тафтиш давом дорад.
