ДУШАНБЕ, 03.05.2017. /АМИТ«Ховар»/. Вазорати корҳои дохилии Ҷумҳурии Тоҷикистон аз боздошти ноболиғони 17-сола, сокинони шаҳри Ваҳдат, ки бо гумони дуздӣ ба даст афтодаанд, хабар медиҳад.
Тавре аз Вазорат иттилоъ доданд, ба шуъбаи ВКД дар шаҳри Ваҳдат аз ҷониби зани 55-сола, сокини ҷамоати деҳоти Баҳор ариза ворид гардидааст, ки 25 феврали соли 2017 шахсони номаълум бо роҳи пинҳонӣ аз хонаи истиқоматиаш 2 ҳазор доллари амрикоиро дуздида, аз ҷойи ҳодиса ғайб задаанд.
Дар робита ба ҷинояти мазкур ду нафар писарбачаҳои ноболиғи 17-сола, сокинони шаҳри Ваҳдат дастгир карда шуданд. Вобаста ба далели мазкур корҳои тафтишотӣ идома доранд.
