Душанбе, 05.03.2016. (АМИТ «Ховар»). — Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон иттилоъ медиҳад, ки шурӯъ аз 4-уми марти соли 2016 қабули ҳуҷҷатҳои ҳаҷравандагон дар вилоят ва шаҳру ноҳияҳои ҷумҳурӣ оғоз гардид. Қабули ҳуҷҷатҳо то 19-уми март дар шӯъба ва бахшҳои оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии вилоятҳо ва шаҳру ноҳияҳои кишвар сурат мегирад.