ДУШАНБЕ, 12.04.2017. /АМИТ «Ховар»/. Дар Париж аз 5 то 11 апрели соли равон бахшида ба 20-умин солгарди Рӯзи Ваҳдати миллӣ намоиши тасвирҳо баргузор гардид. Онро Сафорати Ҷумҳурии Тоҷикистон дар Франсия дар ҳамкорӣ бо рассоми барҷастаи тоҷик Қодир Раҳимов ва рассом Люся Денисова баргузор намуд. Дар ин бора ба АМИТ «Ховар» аз Сафорати Ҷумҳурии Тоҷикистон дар Франсия хабар доданд.
Бино ба иттилои сафорат, арбобони санъати тасвирӣ асарҳои тозаи худро дар галереяи Коломбиёи Париж намоиш доданд. Боздидкунандагон аз ҷумлаи намояндагони ҷамъияти тоҷикон, дипломатҳо, донишҷӯён, инчунин муқимони Париж ва меҳмонони пойтахти Франсия имкон доштанд, ки бо расмҳои дорои унсурҳои омехтаи милливу аврупоӣ ошно гарданд.
↧
Дар Париж бахшида ба 20-солагии Ваҳдати миллӣ намоиши тасвирҳо баргузор гардид
↧