ДУШАНБЕ, 13.03.2017 /АМИТ «Ховар»/. Неруҳои ҳукуматии Нигерия 211 сокини осоиштаро, ки дар асорати ҷангиёни гурӯҳи ифротии «Боко ҳарам» дар иёлати Борнои шимолу шарқи ин кишвар қарор доштанд, озод намуданд. Дар ин бора агентии «Синхуа» бо истинод ба изҳороти низомиён хабар медиҳад.
«Рӯзи шанбе ба низомиёни бригадаи 22 зимни амалиёти «Лафиа Доул» муяссар гардид, ки сокинони деҳаҳои Сингал Мури ва Майяро озод намоянд», — изҳор дошт намояндаи қувваҳои мусаллаҳи Нигерия Сани Усмон.
Бино ба гуфтаи ӯ, зимни амалиёт як нафар ҷангӣ маҳв гардида, ду мошини боркашон ва 18 ҷип мусодира карда шуданд.