Душанбе, 14.06.2016 /АМИТ «Ховар»/. Дар бинои Бундестаг (парлумон)-и Олмон мулоқоти Сафири Ҷумҳурии Тоҷикистон дар Ҷумҳурии Федеративии Олмон Маликшо Неъматов бо вакили Бундестаг, роҳбари гурӯҳи дӯстии байнипарлумонии Тоҷикистону Олмон Манфред Грунд баргузор шуд.
Тавре ки аз Сафорати Тоҷикистон дар Олмон хабар доданд, дар мулоқот ҷонибҳо омодагии худро барои тақвияти ҳамкории судманд дар ҳамаи самтҳо авлавиятноке, ки ба тавсеаи минбаъдаи робитаҳои дуҷонибаю бисёрҷониба миёни Тоҷикистону Олмон мусоидат хоҳанд кард, изҳор намуданд.
