Душанбе, 20.05.2016/АМИТ «Ховар»/. Дар остонаи баргузории маъракаи муҳими сиёсӣ-раъйпурсии умумихалқӣ вобаста ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон, аз 20 то 23 май дар назди «Маҷмааи савдои Пойтахт- 90», «Бозори Қарияи Боло» ва дигар шаҳраку маҳаллаҳои пойтахт ярмарка- фурӯши маҳсулоти ниёзи аввал ташкил карда мешавад. Ҳадафи он ғанӣ гардонидани бозори истеъмолии сокинони шаҳри Душанбе мебошад. Ярмарка-фурӯши маҳсулоти ниёзи аввалия аз ҳисоби хоҷагиҳои деҳқонии вилояти Хатлон, шаҳру навоҳии тобеи марказ ва Корхонаи воҳиди давлатӣ «Оид ба истеҳсол, харид, захира ва фурӯши маҳсулоти ниёзи аввалия»-и пойтахт роҳандозӣ мегардад.
Инчунин дар даромадгоҳҳои бозорҳои дигари шаҳр аз ҳисоби захираи бозорҳо чунин ярмаркаҳо гузаронида мешаванд.
↧
Дар шаҳраку маҳаллаҳои пойтахт ярмарка —фурӯши маҳсулоти ниёзи аввал ташкил мешавад
↧