Душанбе, 13.05.2016/АМИТ «Ховар»/. Кормандони Раёсати минтақавии гумрукӣ дар Вилояти Мухтори Кӯҳистони Бадахшон аз иҷрои нақшаи воридоти пардохтҳои гумрукӣ паём расониданд.
Дар зарфи се моҳи аввали соли равон аз ҷониби Раёсати минтақавии гумрукӣ дар Бадахшон нақшаи воридоти пардохтҳои гумрукӣ беш аз 100 % иҷро гардидааст.
Дафтари матбуоти Хадамоти гумруки кишвар иттилоъ медиҳад, ки аз рӯи нақшаи муайянгардида дар давраи ҳисоботӣ беш аз 1 миллион сомониро боҷи гумрукӣ, зиёда аз 65 ҳазор сомониро андози аксизӣ, наздики 50 ҳазор сомониро андоз аз арзиши иловашуда ва воридоти ғайриандозӣ зиёда аз 900 ҳазор сомониро ташкил медиҳад.
↧
РМГ дар Бадахшон аз иҷрои нақша паём расонид
↧
