Душанбе, 07.05.2016 /АМИТ «Ховар»/. «Низоми оташбас» дар шимоли музофоти Латакияи Сурия ва наздикиҳои Димишқ дар умум риоя мешавад, вале «Ҷабҳат ан-Нусра» барои шикастани сулҳ дар Ҳалаб иғвоандозӣ мекунад. Дар ин бора «Интерфакс» хабар медиҳад.
Вазорати мудофиаи Русия хабар медиҳад, ки террористони «Ҷабҳат ан-Нусра» шабонарӯзи гузашта аз самти минтақаҳои Беннизит ва Ашрафия ба маҳаллаҳои Шайх Мақсуд, Салоҳ-уд-Дин ва Амрияи шаҳри Ҳалаб тир кушоданд. Ҳамчунин, ҷангиён аз самти шаҳраки Мухеим-Хандрат нуқтаҳои аҳолинишини Хандрат ва Хайланро гулӯлаборон карданд.
«Дар минтақаҳои шимолии музофоти Латакия террористони ин гурӯҳ ба мавқеъҳои нерӯҳои ҳукуматӣ дар наздикиҳои нуқтаҳои аҳолинишини Икко, Айн-эл-Кантара ва Кбана аз миномет ва артиллерҳо оташ кушоданд»,-изҳор медорад Вазорати мудофиа.
