ДУШАНБЕ, 25.10.2018. /АМИТ «Ховар»/. Президенти Федератсияи Россия Владимир Путин устоди кафедраи забони тоҷикӣ ва адабиёти ҷаҳони Донишгоҳи (славянии) Россияву Тоҷикистон Холмаҳмад Холовро бо медали «Пушкин» қадрдонӣ намуд.
Тавре Холмаҳмад Холов зимни суҳбат бо хабарнигори АМИТ «Ховар» иброз дошт, иқдоми мазкур бо мақсади арҷ гузоштан ба хизматҳои ӯ дар рушди забону адабиёти рус дар Тоҷикистон гирифта шудааст.
Холмаҳмад Холов 8- умин шаҳрванди хориҷӣ мебошад, ки бо қарори Владимир Путин 24 октябри соли равон бо медали «Пушкин» сарфароз гардидааст.
Image may be NSFW.
Clik here to view.
Мавриди зикр аст, ки Холмаҳмад Холов аз соли 1996 инҷониб дар Донишгоҳи мазкур фаъолият мекунад ва ҳамчун аввалин ноиби ректори он шинохта мешавад. Номбурда ҳоло Раиси иттифоқи касабаи кормандони Донишгоҳи мазкур мебошад.
Ӯ давоми фаъолияти илмии худ барои рушди забони русӣ дар Тоҷикистон корҳои зиёде анҷом додааст. Аз ҷумла, мавзӯи кори илмиаш «Таърих ва мушкилоти тарҷумаи назму насри лирикии Пушкин ба забони тоҷикӣ ва форсӣ» мебошад.
Ёдовар мешавем, ки Холмаҳмад Холов доктори илмҳои филологӣ мебошад.
