Душанбе, 21.04.2016 / АМИТ «Ховар» /. Беш аз 100 ҳазор сокини шаш шаҳру 17 шаҳристони минтақаи худмухтори Гуанси-Чжуани Чин аз шамоли сахт ва жола, ки аз 17 апрел инҷониб ин минтақаро фаро гирифтаанд, осеб диданд. Дар ин бора агентии «Синхуа» бо ишора ба раёсати маъмурияти шаҳрвандии Гуанси-Чжуан хабар дод.
Мувофиқи маълумоти оморӣ, офатҳои табиӣ зиндагии муқаррарии 103,1 ҳазор сокини маҳаллиро вайрон кардаанд. Аз ин теъдод 6300 нафар аз минтақаи офати табиӣ ба ҷои бехавф бурда шуданд.
Дар натиҷаи офати табиӣ ҳамчунин 5,01 ҳазор га заминҳои хоҷагидорӣ хисорот дидаанд. Ҳамчунин 62 манзили истиқоматӣ хароб гашта, 1839 хонаи дигар осеб дидаанд.
↧
Дар ҷануби Чин беш аз 100 ҳазор нафар аз шамоли сахт ва жола осеб диданд
↧