Душанбе, 13.04.2016. /АМИТ Ховар/. Ба ШВКД дар ноҳияи Файзобод, ҷавони 21-солаи сокини ҳамин ноҳия муроҷиат намудааст, ки 10 апрели соли 2016, дар деҳаи Элоки ноҳияи Файзобод, шахсони номаълум бе ягон асос ӯро лату кӯб намуда, бо роҳи зӯроварӣ аз дасташ 1 адад телефони мобилии тамғаи «Айфон-5»-ро, ки арзишаш 2500 сомониро ташкил медиҳад, тасарруф намуда, аз ҷои ҳодиса ғайб задаанд.
Дар натиҷаи гузаронидани чорабиниҳои фаврӣ-ҷустуҷӯӣ кормандони милитсия ду нафар ноболиғи 16 ва 17-сола, хонандагони синфи 10-уми мактаби миёнаи таҳсилоти умумӣ, сокинони ноҳияи Файзободро ҳамчун гумонбар дар содир намудани ҷинояти мазкур дастгир намуданд.
Тафтишоти ҳодиса давом дорад.
↧
Дастгир гардидани ноболиғон бо гуноҳи ғоратгарӣ
↧