Душанбе, 08.04.2016 /АМИТ «Ховар/. Ба ифтихори ҷашни 25-солагии Истиқлолияти давлатии Ҷумҳурии Тоҷикистон нимаи дуюми моҳи апрел дар Душанбе дар мавзӯи «Рушди қонунгузории маданӣ ва соҳибкорӣ дар 25 соли Истиқлолияти давлатӣ» суҳбати «мизи мудаввар» доир мегардад.
Маркази миллии қонунгузории назди Президенти Ҷумҳурии Тоҷикистон аз созмондиҳандагони ин чорабинист.
Интизор меравад дар ин нишаст намояндагони вазорату идораҳои кишвар, мақомоти ҳифзи ҳуқуқ ва тартибот, олимону коршинос ширкат намуда, доир ба рушди қонунгузории маданӣ ва соҳибкорӣ дар зарфи 25 соли истиқлолияти давлатӣ табодули назар хоҳанд кард.
↧
Рушди қонунгузории маданӣ дар зарфи 25 соли Истиқлолият
↧
