Душанбе, 02.04.2016. (АМИТ «Ховар»). Имрӯз дар Қасри ҷавонони ба номи Лоиқ Шералии шаҳри Хуҷанд иқдоми консертӣ таҳти унвони «Бемории сил табобатшаванда аст!» баргузор гардид. Иқдоми мазкур бо дастгирии барномаи USAID оид ба мубориза бар зидди бемории сил ва Раёсати тандурустӣ ва ҳифзи иҷтимоии ахолии вилояти Суғд роҳандозӣ шудааст.
Дар чорабинӣ, ки намояндагони касбу кори гуногун ва ҷавонону толибилмон иштирок доштанд, доир ба бемории сил ва роҳҳои гузариши он маълумот дода шуд.
