Душанбе, 26.03.2016 (АМИТ «Ховар»).- 23-юми марти соли равон дар натиҷаи гузаронидани чорабиниҳои фаврӣ-ҷустуҷӯӣ марди 26-солаи шаҳри Душанбе бо гумони муомилоти ғайриқонунӣ бо моддаи кимиёвӣ аз ҷониби кормандони милитсия дастгир гардид.
Дар вақти кофтукови шахсӣ аз гумонбаршуда мувофиқи хулосаи мутахассисони соҳа 224,2 грамм металли симоб дарёфт ва мусодира шуд. Муайян карда шуд, ки гумонбаршуда металли мазкурро аз сокини 24-солаи сокини шаҳри Душанбе, ба маблағи 10000 доллари амрикоӣ харид намудааст.
Нисбат ба далели мазкур парвандаи ҷиноятӣ оғоз шуда, тафтиш дар ин самт давом дорад.
↧
Муомилоти ғайриқонунӣ бо моддаи кимиёвӣ
↧