ДУШАНБЕ, 02.06.2017 /АМИТ «Ховар»/. Имрӯз дар Вазорати корҳои дохилии Ҷумҳурии Тоҷикистон маросими супоридани таҷҳизоти техникӣ ва мошинҳои оташнишон аз ҷониби ташкилоти «Fire Aid»-и Британияи Кабир баргузор гардид.
Дар ин бора ба АМИТ «Ховар» аз Вазорати корҳои дохилӣ хабар доданд.
Ба иттилои манбаъ, дар маросими супоридани таҷҳизот Сафири Фавқулода ва Мухтори Британияи Кабир дар Ҷумҳурии Тоҷикистон Ҳю Филпотт ва Вазири корҳои дохилии Ҷумҳурии Тоҷикистон Рамазон Раҳимзода иштирок ва суханронӣ карданд.
Бино ба маълумоти манбаъ, намояндагони ин ташкилоти бонуфуз дар давоми ду ҳафта бо кормандони Хадамоти давлатии оташнишони Вазорати корҳои дохилии Ҷумҳурии Тоҷикистон тренинг гузарониданд. Имрӯз ин кормандон малакаи аз бар намудаи худро бо маҳорати баланди касбӣ ба иштирокдорон нишон доданд.
