РАШТ, 24.05.2017. /АМИТ «Ховар»/. Бегоҳи дирӯз дар варзишгоҳи шаҳраки Ғарми ноҳияи Рашт бо иштироки зиёда аз 8000 нафар ҷавонони ноҳия Рӯзи ҷавонон бо шукӯҳу шаҳомати хосса ҷашн гирифта шуд. Дар ҷамъомад ҷавонони саодатманди ноҳия бо масъулияти бузург ваъда доданд, ки қарзи пурифтихори фарзандии худро дар назди давлату ватан сарбаландона адо намуда, ба хотири рушди рӯзафзуни кишвари хеш ҳамчун созандагони фардои Ватан хизмати арзанда ба ҷо меоранд.
Ҷамъомадагон консерти идонаи бахши фарҳанги ноҳияро бо шавқу дилгармӣ тамошо намуданд.