ДУШАНБЕ, 13.05.2017. /АМИТ «Ховар»/. Дирӯз дар Академияи Вазорати корҳои дохилии Ҷумҳурии Тоҷикистон ҳамоиши ҷумҳуриявии илмӣ-амалӣ дар мавзӯи «Ҷавонон- неруи созандаи ҷомеа» бахшида ба Соли ҷавонон ва 20-солагии Рӯзи Ваҳдати миллӣ доир гардид, ки онро Шӯрои ҷавонони Академияи мазкур роҳандозӣ намуд.
Тавре аз Вазорати корҳои дохилии Ҷумҳурии Тоҷикистон хабар доранд, дар ҳамоиш дар мавзӯъҳои «Ҷавонон- созандаи ҷомеаи боадолат» ва «Пешгирии шомилшавии ҷавонон ба ҳизбу ҳаракатҳои террористиву экстремистӣ» доир ба нақши созгори ҷавонон дар рушду нумӯи ҷомеаи мутамаддин муҳокима сурат гирифт.