ДУШАНБЕ, 11.05.2017. /АМИТ «Ховар»/. Бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Душанбе бахшида ба соли Соли ҷавонон дар Литсей- интернати президентӣ барои кӯдакони болаёқати Ҷумҳурии Тоҷикистон бо иштироки хонандагони ин махзани илму дониш вохӯрӣ ва барномаи фарҳангию фароғатӣ баргузор шуд.
Тавре мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе Ҷамшед Олимов ба АМИТ «Ховар» хабар дод, дар вохӯрӣ зикр гардид, ки ҷавонон ҳамчун идомадиҳандаи таъриху фарҳанги қадимии миллат, сарчашмаи ташаббусҳои бузург, манбаи ғояҳои нав, парчамбардорони миллат, эҷодкорони тақдири имрӯзу оянда, таҳкимбахшандагони ваҳдати миллӣ, муҳофизони боэътимоди истиқлолияти Ватан, бунёдгузорони давлати мутамаддини дунявӣ ва демократӣ эътироф гардида, масъулияти калонеро дар ободонии Ватан бар дӯш доранд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд, ки даврони истиқлол ба ҷавонони соҳибмаърифат, боистеъдоду лаёқатманд, дорои нангу номуси ватандорӣ ва худшиносии миллӣ ниёз дорад. Ҷавонони мо қувваи худро фақат барои ободии Ватан ва баланд бардоштани обрӯи миллат сарф мекунанд. Ояндаи Тоҷикистон ва дар қатори давлатҳои пешқадам ҷой гирифтани давлати тоҷикон аз сатҳи маънавиёту фарҳанг, донишу маҳорат ва кӯшишу ғайрати ҷавонон вобаста аст.
Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.
