ҲАМАДОНӢ, 29.04.2017. /АМИТ «Ховар»/. Дар литсейи касбӣ- техникии ноҳияи ба номи Мир Саид Алии Ҳамадонӣ аз рӯи 13 ихтисос беш аз 900 нафар шаҳрвандон ба курсҳои кӯтоҳмуддати омӯзишӣ фаро гирифта шудаанд, ки ба онҳо мутахассисони варзида касбу ҳунар меомӯзанд.
Ба гуфтаи Маҳмадулло Маҳмадинов, мутахассиси пешбари курсҳои кӯтоҳмуддат, ба касбомӯзӣ сокинони аз 15 то 49-сола фаро гирифта шудаанд. Баъди анҷоми машғулиятҳо касбомўзон дар назди устодон ва мутахассисон имтиҳон супорида, дониши аз бар намудаашонро бори дигар месанҷанд.
