ДУШАНБЕ, 29.04.2017. /АМИТ «Ховар»/. «Нозирони меҳнат-ҳимоякунандаи манфиати меҳнаткашон» -таҳти чунин унвон дирӯз дар Ширкати саҳомии холдингии кушодаи «Барқи Тоҷик» ҳамоиш баргузор шуд.
Ҳамоиш ба Рӯзи умумиҷаҳонии ҳифзи меҳнат ва Рӯзи байналмилалии якдилии меҳнаткашон бахшида шуда, бо ташаббуси Кумитаи ҷумҳуриявии иттифоқи касабаи кормандони энергетикаи Тоҷикистон ва ШСХК «Барқи Тоҷик» бо мақсади ҳимояи манфиати меҳнаткашон доир гардид.