ДУШАНБЕ, 08.04.2017 /АМИТ «Ховар»/. Чин ва ИМА бояд ҳамкориро дар соҳаи ҳарбӣ тақвият бахшида, механизми муколамаро рушд ва такмил диҳанд. Дар ин бора рӯзи шанбе, 8 апрел Раиси Ҷумҳурии Мардумии Чин Си Ҷинпин изҳор дошт.
Президенти ИМА Доналд Трамп ва Раиси Ҷумҳурии Мардумии Чин Си Ҷинпин 6-7 апрел дар иёлати Флоридаи ИМА мулоқот анҷом доданд.
«Ҷонибҳо бояд якҷоя ва пайваста эътимоди тарафайн ва ҳамкории ҳарбиро тавқвият бахшанд», — иқтибос овардааст Вазорати корҳои хориҷии ҶМЧ гуфтаҳои Си Ҷинпинро пас аз мулоқот бо Трамп.
Ба гуфтаи Си Ҷинпин, Чин ва ИМА ҳамчунин бояд механизми огоҳнамоии ҳамдигарро оид ба амалиёти ҳарбӣ ҳамеша истифода намуда, онро такмил диҳанд ва инчунин меъёри рафтори таъмини амниятро дар фазои баҳрӣ ва ҳавоӣ баланд бардоранд.
«Амнияти ҳарбӣ ва эътимоди тарафайн дар ин соҳа боварии муштараки асосии стратегии Чин ва ИМА маҳсуб мешаванд. Ҷонибҳо бояд алоқаҳои ҳарбиро дар ҳама сатҳҳо нигоҳ доранд, механизми муколама, машваратҳои вазоратҳои мудофиа ва муколамаи машваратҳо оид ба масоили амният дар минтақаи Осиё ва ҳавзаи уқёнуси Оромро минбаъд низ рушд диҳанд», — гуфт Си Ҷинпин.
↧
Си Ҷинпин: Чин ва ИМА бояд ҳамкории ҳарбиро тақвият бахшанд
↧