ДУШАНБЕ, 06.04.2017 /АМИТ «Ховар»/. Мутахассисон дастгоҳи таркандаеро, ки дар яке аз биноҳои истиқоматии Санкт-Петербург дарёфт гардид, безарар карданд. Дар ин бора «РИА Новости» бо такя ба изҳороти раиси ноҳияи Невский Константин Серов хабар дод.
«Ҳоло дастгоҳи таркандаи дар яке аз ҳуҷраҳо дарёфтгардида безарар карда шуд ва якчанд гумонбар бе муқовимат дастгир гардиданд. Ҳоло барои сокинон таҳдид вуҷуд надорад», — гуфт ӯ.
Ашёи хатарнокро тақрибан соати 5:00-и субҳ дар бинои рақами 22 иморати 1 дар хиёбони Товаришский пайдо карданд. Дар бино қисман таъминоти газ қатъ карда шудааст. Сокинони онро ба кӯдакистони наздик таҳвил дода, ҷой карданд.
Бино ба гуфтаи шоҳидон, аз даромадгоҳи асосӣ се нафар мардро бо дастбанд баровардаанд. Хадамоти матбуоти Раёсати Хадамоти федералии амниятӣ ҳанӯз ин вазъро шарҳ надодааст.
↧
Дар яке аз биноҳои истиқоматии Санкт-Петербург дастгоҳи тарканда безарар карда шуд
↧