ДУШАНБЕ, 23.03.2017. /АМИТ «Ховар»/. Дар иртибот ба хабари фоҷеабори амали террористӣ дар назди бинои парлумон дар шаҳри Лондон, ки муҷиби ба ҳалокат расидан ва ҷароҳати вазнин бардоштани даҳҳо мардуми осоишта гашт, ҷониби Тоҷикистон тасаллияту ҳамдардии амиқи худро ба наздикону пайвандони фавтидагон изҳор намуда, барои ҳамаи осебдидагон шифои комил хоҳон аст, омадааст дар изҳороти ВКХ ҶТ.
Дар он ҳамчунин гуфта мешавад, ки «мо ин амали ғайриинсонии интиҳориро қатъиян маҳкум намуда, зарурати бетаъхири тақвияти муборизаи қотеонаро бо ҳама гуна зуҳуроти терроризм ва ифротгароӣ муҷаддадан таъкид менамоем».