ҚӮРҒОНТЕППА, 13.03.2017 /АМИТ «Ховар»/. Имсол ҷашни вилоятии «Наврӯз-2017» дар ноҳияи Фархор баргузор мегардад. Тавре ба хабарнигори минтақавии АМИТ «Ховар» аз Мақомоти иҷроияи ҳокимияти давлатии вилояти Хатлон иттилоъ доданд, барномаҳои наврӯзӣ дар Фархор 21 март барпо мегарданд. Барои дар сатҳи баланд баргузор кардани ин барномаҳо Кумитаи тадорукоти баргузории ҷашнхои вилоятии «Наврӯз-2017» таъсис дода шудааст.
Аз Мақомоти иҷроияи ҳокимияти давлатии вилояти Хатлон ҳамзамон иттилоъ доданд, ки дар ҳар шаҳру ноҳия ва ҷамоатҳои деҳот корҳои ободониву бунёдкорӣ ва шинонидани дарахтҳо ба роҳ монда шудаанд.
↧
Сокинони Хатлон имсол Наврӯзро дар Фархор таҷлил мекунанд
↧