ДУШАНБЕ, 11.03.2017 /АМИТ «Ховар»/. Шумораи қурбониёни тундбоди тропикии «Энаво» дар Мадагаскар ба 38 нафар расида, 180 каси дигар ҷароҳат бардоштаанд. Дар ин бора АИР «Новости» бо такя ба ВАО-и маҳаллӣ хабар медиҳад.
Бино ба маълумоти агентии иттилоотӣ, роҳбари бюрои миллӣ оид ба идораи офатҳо Терри Венти изҳор доштааст, ки нафарони бар асари тармафароиҳои марбут ба тӯфон ҳалокшуда низ ба шумораи қурбониён шомиланд. Ба гуфтаи ӯ, дар ин вазъи сангин дар умум 180 нафар ҷароҳат бардоштаанд.
Тавре хабар дода мешавад, беш аз 116 ҳазор нафар муваққатан ҷойҳои зисти худро тарк карда, 53 ҳазор нафар дар марказҳои махсусгардонидашуда қарор доранд.
Тундбод қисми шимолу шарқии соҳилҳои ҷазираро пас аз зӯҳри рӯзи душанбе фаро гирифта, суръати он ба 300 километр дар як соат мерасад.
↧
Шумораи қурбониёни тундбоди «Энаво» дар Мадагаскар ба 38 нафар расид
↧