ТУРСУНЗОДА, 09.03.2017. /АМИТ «Ховар»/. Имсол Наврӯзи байналмилалӣ дар шаҳри Турсунзода баргузор мегардад.
Тавре хабарнигори минтақавии АМИТ «Ховар» итилоъ дод, имрӯзҳо сокинони шаҳри Турсунзода ба истиқболи Наврӯзи байналмилалӣ корҳои омодагиро вусъат дода истодаанд. Онҳо тасмим доранд дар арафаи ин ҷашни бузург дар гулгаштҳои шаҳр беш аз 40 ҳазор дона гулҳои рангоранг ва зиёда аз 15 ҳазор бех дарахтони гуногуну сояафкан шинонанд.
Ҳоло шиору овезаҳо оид ба Наврӯзу баҳор, рангу бори биноҳои маъмуриву истиқоматӣ симои шаҳрро боз ҳам зебо намудааст. Ҳашарҳои дастаҷамъонаи маҳаллаҳои шаҳр имкон дод, ки шаҳр тозаву озода ва ба иди бостонию дўстдоштаи мардум- Наврўзи Аҷам пурра омода гардад.
↧
Омодагии сокинони шаҳри Турсунзода ба истиқболи Наврӯзи байналмилалӣ
↧