ДУШАНБЕ, 03.03.2017 /АМИТ «Ховар»/. Муовини вазири корҳои хориҷии Ҷумҳурии Тоҷикистон Музаффар Ҳусейнзода Сафири Фавқулода ва Мухтори Ҷумҳурии Франсия дар Ҷумҳурии Тоҷикистон Ясмин Гуедарро имрӯз дар Душанбе ба ҳузур пазируфт.
Дар вохӯрӣ Сафири Франсия паёмҳои табрикии Президенти Ҷумҳурии Франсия Франсуа Олланд ва Вазири корҳои хориҷӣ ва рушди байналмилалии Франсия Жан-Марк Эйроро ба муносибати 25-солагии барқарории муносибатҳои дипломатӣ миёни Тоҷикистону Франсия супорид.
Ҷонибҳо оид ба густариши минбаъдаи ҳамкории мутақобилан судманди Тоҷикистону Франсия дар соҳаҳои сиёсӣ, иқтисодӣ ва фарҳангӣ гуфтугӯи судманд анҷом доданд.
↧
Музаффар Ҳусейнзода ва Ясмин Гуедар оид ба густариши минбаъдаи ҳамкории Тоҷикистону Франсия гуфтугӯ карданд
↧