ДУШАНБЕ, 14.02.2017/АМИТ «Ховар»/. Нимҳимоятгари дастаи мунтахаби Беларус Александр Глеб, ки пештар дар клубҳои маъруфи «Арсенал» ва «Барселона» бозӣ кардааст, ба дастаи Премйер Лигаи Россия-«Криля Советов» хоҳад гузашт. Пеш аз бастани шартнома Глеб ҳоло аз ташхиси тиббӣ мегузарад,- хабар медиҳад Twitterи дастаи «Криля Советов».
Александр Глеб ба ҳайси бозингари озод бе ягон маблағ ба ин даста мегузарад. Клуби футболи охирине, ки Глеб дар он бозӣ кардааст, «Батэ»-и Беларус мебошад. Дар бораи муҳлат ва маоши бозингар иттилои расмӣ нарасидааст.
