ДУШАНБЕ, 31.01.2017. /АМИТ «Ховар»/. Субҳи имрӯз дар ду деҳаи Доғистон низоми амалиёти зиддитеррористӣ ҷорӣ карда шуд. Дар ин бора ТАСС бо истинод ба намояндаи Ситоди фаврии Кумитаи миллии зиддитеррористӣ дар ин кишвар хабар дод.
«Соати 06:00 ба вақти Душанбе дар сарҳадоти маъмурии ҷамоати деҳоти «Кванадин» (деҳаҳои Кванада ва Гимирсо)-и ноҳияи Тсумадини Доғистон низоми амалиёти зиддитеррористӣ роҳандозӣ гардид. Амалиёти ҷустуҷӯи ҷангиён ва ҳаммаслакони онҳо идома дорад», — гуфт манбаъ.
Ба гуфтаи ӯ, дар давоми амали низом дар деҳаҳо як зумра тадбирҳои махсус ва маҳдудиятҳои муваққатӣ роҳандозӣ хоҳанд шуд.
↧
Дар ду деҳаи Доғистон низоми амалиёти зиддитеррористӣ ҷорӣ карда шуд
↧