Душанбе, 01.12.2016. /АМИТ «Ховар»/. Имрӯз соати 11:46 дар ҳудуди Ҷумҳурии Тоҷикистон заминҷунбӣ ба қайд гирифта шуд. Дар ин бора ба АМИТ «Ховар» аз Кумитаи ҳолатҳои фавқулода ва мудофиаи гражданӣ хабар доданд.
Мувофиқи маълумоти Маркази зилзиласанҷии шаҳри Душанбе маркази заминларза дар километри 295-уми самти ҷанубу шарқ аз шаҳри Душанбе дар қаламрави Ҷумҳурии Исломии Афғонистон ҷойгир будааст.
Қувваи заминларза дар марказаш 3-4 балл, дар Ҷумҳурии Тоҷикистон 2 баллро ташкил дод.
КҲФ иттилоъ медиҳад, ки бар асари заминларза хисорот ва талафоти ҷонӣ ба қайд гирифта нашудааст.
↧
Дар Душанбе заминҷунбӣ ба қайд гирифта шуд
↧
