Намояндаи Пентагон Пэйхон чӣ тавр дар бораи ДИ маълумот ҷамъоварӣ карданро эълон кард

Душанбе, 29.11.2016 /АМИТ «Ховар»/. «Пентагон миқдори зиёди манбаъҳои иттилооти иктишофиро, ки дар бораи усулҳои гурӯҳи террористии ба ном «Давлати исломӣ» (ДИ, мамнӯъ дар Тоҷикистон) доир ба паҳн кардани террор ва ба даст овардани маблағ маълумот медиҳанд, истифода мекунад», — изҳор дошт намояндаи Вазорати мудофиаи ИМА Эрик Пейхон.
«Мо минбаъд низ истифода аз манбаъҳои васеи гуногунро дар бораи шабакаҳои ДИ на танҳо дар Ироқу Сурия, балки берун аз он низ идома медиҳем. Ин ба мо имкон медиҳад дарк намоем, ки чӣ тавр онҳо террорро дар саросари ҷаҳон паҳн месозанд ва худро чӣ гуна маблағгузорӣ менамоянд. Ҳамчунин метавонем дар бораи бархе одамоне иттилоъ ба даст оварем, ки бо онҳо кор мекунанд», — гуфт Пейхон ба агентии «Спутник».
Бино ба иттилои агентӣ, ба эътилофи байналмилалӣ таҳти роҳбарии ИМА муяссар гардидааст, ки моҳи октябр беш аз 15 терабайт маълумоти иктишофиро дар шаҳри Манбиҷи (шимоли Сурия) аз ДИ озодкарда ба даст орад.