Душанбе, 29.11.2016 /АМИТ «Ховар»/. Артиши давлати Сурия ва неруҳои мардумӣ террористонро боз аз ду маҳаллаи дигари Ҳалаб берун карда, ҳамин тариқ, қисмати шимолу шарқии шаҳрро пурра зери назорат гирифтанд. Дар ин бора АИР «Новости» бо такя ба ситоди неруҳои мардумии шаҳр хабар медиҳад.
«Ба артиш ва неруҳои мардумӣ муяссар гардид, ки маҳалҳои Шайх-Ходр ва Шайх-Форисро зери назорат гиранд. Ҳамин тавр, метавон гуфт, ки шимолу шарқи Ҳалаб пурра зери назорати артиши ҳукуматии Ҷумҳурии Арабии Сурия аст», — изҳор доштанд аз ситоди неруҳои мардумӣ.
Гуфта мешавад, ки муборизаҳо дар маҳалҳои Шайх-Форис ва Шайх-Ходр қариб як шабонарӯз идома ёфтанд. Феълан дар ин маҳалҳо минаҷӯён кор мебаранд. Дастаҳои пешбари артиш ва неруҳои мардумӣ ба дохили шарқи Ҳалаб якбора аз якчанд тараф зада даромаданро идома дода истодаанд.
Ёдовар мешавем, чанде пеш иттилоъ расида буд, ки неруҳои давлати Сурия пурра ҷангиёнро берун карда, 12 маҳаллаи шаҳрро ишғол намуданд. Ин тақрибан 40 дарсади ҳудуди қисмати шарқии Ҳалабро ташкил медиҳад.
↧
Артиши давлати Сурия қисмати шимолу шарқии Ҳалабро пурра зери назорат гирифт
↧