Душанбе, 14.10.2016 /АМИТ «Ховар»/. Подшоҳи Таиланд Пумипон Адулядет дар синни 88 дар яке аз бемористонҳои Бангкок аз олам даргузашт. Вобаста ба ин, иттилоияи дарбори шоҳ тавассути шабакаҳои телевизионии давлатии Таиланд хонда шуд. Дар ин бора агентии ТАСС хабар медиҳад.
Иттилоъ дода мешавад, ки шоҳ рӯзи 13 октябр соати 15:52 бо вақти Бангкок (13:52 бо вақти Душанбе) аз олам даргузаштааст.
Хабари даргузашти шоҳро, ки Таиландро 70 сол ҳукмронӣ кард, дарбориёни дар назди беморхона ҷамъомада бо андӯҳи гарон дарёфтанд. Аллакай ҷаласаи фаврии ҳукумат ва парлумон барои бегоҳ ба нақша гирифта шудааст.
Сарвазири Таиланд Прают Чан Оча дар паёми телевизонӣ ҳамватанонашро ба худдорӣ аз ҳама гуна чорабиниҳои дилхушӣ дар давоми як моҳ даъват кард.
Рӯзи якшанбе, 9 октябр дар бораи бад шудани вазъи саломатии шоҳ иттилоъ расида буд. Баъд аз гемодиализ фишори хуни шоҳ ногаҳон афтид ва қарор шуд, ки ба ӯ дастгоҳи сунъии тозакунии роҳҳои нафас насб карда шавад. Табибон вазъи ӯро номуътадил эълон карда буданд.
↧
Подшоҳи Таиланд аз олам даргузашт
↧