Душанбе, 14.10.2016 / АМИТ «Ховар» /. Шумораи қурбониёни тӯфони «Мэтю» дар ҷанубу шарқи ИМА ба 42 нафар расид. Дар ин бора шабакаи телевизионии CBSN иттилоъ медиҳад. Пештар гузориш шуда буд, ки 38 нафар нобуд гардидаанд.
Бино ба иттилои РИА Новости: «Ҳолатҳои нави фавт дар иёлати Королинаи Шимолӣ ба амал омаданд, ки он ҷо теъдоди қурбониён нисбатан зиёд аст. Аз 7-уми октябр дар иёлат 22 нафар нобуд шудаанд».
Дар рӯзи панҷуми пас аз гузаштани тӯфон аз қаламрави ИМА 43,7 ҳазор истеъмолкунандагон бе қувваи барқ монданд. Баъзе нуқтаҳои аҳолинишин зери об боқӣ мемонанд.
Тӯфони «Мэттю» аз соли 2007 дар Атлантика шадидтарин мебошад.
↧
Теъдоди қурбониёни тӯфони «Мэттю» дар ИМА аз 40 нафар зиёд шуд
↧