Душанбе, 13.10.2016 / АМИТ «Ховар» /. Ҷангиёни гурӯҳи террористии ба ном «Давлати исломӣ» масъулияти ҳамлаи дар масҷиди шиаҳои шаҳри Кобул рухдодаро ба уҳда гирифтанд. Дар ин бора агентии Reuters иттилоъ медиҳад.
Бино ба маълумоти дастрас, рӯзи сешанбе се марди мусаллаҳ дар либоси полис ба масҷиди Имом Алӣ ворид гардида, ба сӯи диндорон оташ кушоданд. Яке аз ҳамлакунандагон камарбанди таркандаро мунфаҷир сохт.
Дар натиҷаи ҳамлаи террористӣ, ҳадди ақал 18 нафар, аз ҷумла чаҳор зан ва ду кӯдак ба ҳалокат расида, беш аз 50 каси дигар ҷароҳат бардоштанд. Ҳамла шаб, ҳангоме ки мусулмонони шиа яке аз идҳои асосии мазҳаби шиа- Ошуроро ҷашн мегирифтанд, сурат гирифт.
↧
«Давлати исломӣ» масъулияти ҳамлаи террористии масҷиди Кобулро ба уҳда гирифт
↧