Душанбе, 13.10.2016 / АМИТ «Ховар» /. Дар минтақаи Балх, музофоти Балхи шимоли Афғонистон дар натиҷаи таркидани як террористи маргталаб 14 тан нобуд гашта, 28 нафари дигар ҷароҳат бардоштанд. Дар ин бора «Синхуа» бо такя ба гуфтаҳои намояндаи расмии маъмурияти музофот Фарҳод Мунир иттилоъ медиҳад.
Бино ба гуфтаи губернатори Балх Амир Муҳаммад Вақар: «Нимаи дуюми рӯз, вақте ки чандсад нафар рӯзи Ошуроро ҷашн мегирифтанд, террорист вориди издиҳом шуд ва дастгоҳи таркандаи дар баданаш бударо мунфаҷир кард».
Ба гуфтаи шоҳидони ҳамла, теъдоди воқеии қурбониён ва осебдидагон аз рақамҳои расман эълоншуда бештар аст.
↧
Дар шимоли Афғонистон 14 нафар қурбонии террористи маргталаб гардиданд
↧