Душанбе, 20.09.2016 /АМИТ «Ховар»/. 19 сентябри соли 2016 дар шаҳри Ню-Йорк дар ҳошияи иҷлосияи 71-уми Маҷмаи умумии СММ вазири корҳои хориҷии Тоҷикистон Сироҷидин Аслов бо вазири федеролии Австрия дар умури Аврупо, ҳамгироӣ ва корҳои хориҷӣ Себастиан Куртс мулоқот намуд.
Дар ҷараёни суҳбат масъалаҳои мубрами рушди муносибатҳои дуҷониба ва бисёрҷонибаи Тоҷикистон ва Ҷумҳурии Австрия мавриди табодули назар қарор гирифтанд.
Инчунин 19 сентябри соли 2016 дар шаҳри Ню-Йорк дар ҳошияи иҷлосияи 71-уми Маҷмаи Умумии СММ вазири корҳои хориҷии Тоҷикистон Сироҷидин Аслов бо вазири корҳои хориҷии Коста Рика Мануэл Гонзалез мулоқот доир намуд.
Вазирон сатҳи кунунӣ ва дурнамои рушди муносибатҳо миёни Тоҷикистон ва Коста Рикаро мавриди баррасӣ қарор доданд.
