Quantcast
Channel: АМИТ "Ховар"
Viewing all articles
Browse latest Browse all 28565

Дар Кобул дар як шабонарӯз чор таркиш рух дод

$
0
0

Душанбе, 06.09.2016 /АМИТ«Ховар»/. Дар маҳалаи Шаҳринави шаҳри Кобул шаби душанбе ба сешанбе боз як таркиш ба амал омад,- иттилоъ медиҳанд ВАО-и маҳаллӣ. Рӯзномаи «Ҳашти Субҳ» бо истинод ба сокинони маҳаллӣ хабар медиҳад, ки дар ин ноҳияи пойтахти Афғонистон тирпаронӣ идома дорад.
Гуфта мешавад, ки ҳамла ба меҳмонхонаи «Свид ҳотел», ки дар он ҷо шаҳрвандони хориҷӣ истиқомат мекарданд, сурат гирифтааст. Сокинони маҳаллӣ ба рӯзнома хабар доданд, ки дар ноҳия неруҳои давлатӣ ҷамъ шудаанд.
Ин дуввумин таркиши шиддатнок давоми як соат дар ин ноҳия ва чорумин таркиш давоми як шабонарӯз дар пойтахти Афғонистон мебошад.
Тавре хабар доданд, рӯзи душанбе дар Кобул ду таркиш ба амал омад, ки дар натиҷа 24 нафар ҳалок шуда, 91 каси дигар ҷароҳат бардоштанд.
Ду таркишро террористи худкуш дар назди Вазорати мудофиаи Афғонистон анҷом додааст.


Viewing all articles
Browse latest Browse all 28565

Trending Articles