Душанбе, 26.08.2016. /АМИТ «Ховар»/. Бахшида ба 25-солагии Истиқлолияти давлатии ҶТ бонки «Эсхата» аз тариқи терминалҳои пардохтии худ қабули пардохтҳоро барои операторони мобилии «Мегафон», «Билайн», «Тселл», «Вавилон Мобайл» ва «ТК-Мобайл» бе ситонидани ҳаққи хизмат, яъне ройгон ба роҳ монд.
Ёдрас мешавем, ки бо истифода аз терминалҳои пардохтии бонки «Эсхата» зиёда аз 50 адад хизматрасониҳои гуногун, ба монанди интернет-провайдерҳо, ҳамёни электронӣ, операторони мобилии хоричӣ, телевизион ва воситаҳои ахбори омма, интернет- бозиҳо, хизматрасонии бонкӣ, фондҳои хайриявӣ пардохт карда мешавад.
Иқдоми мазкур барои аҳолии кишвар ба ифтихори ҷашни 25 -солагии Истиқлолияти давлатии ҶТ туҳфаи арзанда аст.
↧
Бахшида ба 25-солагии Истиқлолият бонки Эсхата алоқаи мобилиро ройгон ба роҳ мемонад
↧