Душанбе, 20.08.2016 /АМИТ «Ховар» /. Полиси шаҳри Роттердами Англия марди 43-солаеро бо иттиҳоми таҳдиди таркиш дар масҷид боздошт кард. Дар ин бора АИР «Новости» хабар медиҳад.
Қаблан дар моҳи август, намозгузорон дар намои масҷиди маҳаллӣ номае бо таҳқиру таҳдид дарёфт карданд: «Дафъаи дигар ин бомба хоҳад буд». Нома аз рӯи маҷмӯи рақамии 1488 навишта шуда буд, ки онро неонатсистҳо истифода мекунанд.
«Гумонбар, сокини 43-солаи Плимут, 19 август тақрибан соати 08.00 бо вақти маҳаллӣ аз ҷониби кормандони воҳиди зиддитеррористии полиси маҳаллӣ дастгир карда шуд. Полис ҳамчунин оид ба бехатарӣ ба намозгузорон ва ходимони масҷид як зумра тавсияҳо дод», — гуфт ба хабарнигорон сардори полиси графигарии Йоркшири Ҷанубӣ Роб Оделл.
Маъмури масҷид Собир Ҳусейн, дар навбати худ, ба хабарнигорон гуфт, ки хатар ҷиддӣ қабул карда шуд ва нома намозгузоронро хеле ба ҳарос овард. Ӯ ҳамчунин шикоят кард, ки мусалмонони шаҳр зери фишори шаҳриён қарор доранд ва шумораи таҳқирҳо, таҳдидҳо ва ҳамлаҳо зиёд шуда истодааст.
↧
Полиси Англия мардеро бо иттиҳоми таҳдиди таркиш дар масҷид боздошт кард
↧