Душанбе, 05.08.2016. /АМИТ «Ховар»/. Дар доираи омодагиҳо ба сабқати байналмилалӣ ба хотири ба даст овардани Ҷоми Ассотсиатсияи футболи Осиёи Марказӣ, ки баргузориаш 6- 9 августи соли равон дар назар аст, тими мунтахаби ҷавонони то 19-солаи Тоҷикистон оид ба футбол дар маркази илмӣ-тамринии Бонки миллии Тоҷикистон воқеъ дар Гулистони вилояти Суғд бо дастаи «Хуҷанд» вохӯрии санҷишӣ баргузор намуд.
Бозӣ бо пирӯзии тими мунтахаби ҷавонони то 19-солаи Тоҷикистон бо ҳисоби 2:1 анҷом ёфт.
Ёдовар мешавем, ки тӯбҳоро дар ин бозӣ Эҳсони Панҷшанбе ва Абдумалик Шодиев ба ҳадаф расониданд.
↧
Тими мунтахаби ҷавонони 19- сола бар тими «Хуҷанд» пирӯз омад
↧