Душанбе, 05.08.2016. /АМИТ «Ховар»/. Қувваҳои мусаллаҳи Миср дар нимҷазираи Сино оид ба маҳви роҳбари гурӯҳи ифротии «Ансор Байт ал-Мақдис», ки қаблан ҷанговарони он барои садоқат ба гурӯҳи террористии ба ном «Давлати исломӣ» савганд ёд карда буданд, эълон намуданд.
Дар ин бора намояндаи расмии Вазорати мудофиаи Миср Муҳаммад Aбдул Азиз Самир Ғаним иттилоъ додааст.
Бино ба гуфтаи ӯ: «Дар натиҷаи ҳамлаи ҳавоӣ, ки ба мавқеъҳои гурӯҳи террористии «Ансор Байт ал-Мақдис» расонида шуд, раҳбари он ва 45 низомии дигар нобуд гардиданд».
Тибқи гузориши ТАСС, моҳи июн директори Идораи марказии иктишофии ИМА Ҷон Бреннан изҳор намудааст, ки ҷангиёни ин гурӯҳи террористӣ масъулияти суқути ҳавопаймои мусофирбари Русияро дар ҳарими ҳавоии нимҷазираи Сино ба уҳда доштанд .
↧
Қувваҳои мусаллаҳи Миср роҳбари гурӯҳи дастаи ДИ дар Синоро нобуд сохтанд
↧