Душанбе,02.08.2016. /АМИТ «Ховар»/. Дар шаш моҳи авали соли равон 70 лоиҳаи давлатии сармоягузорӣ дар риштаҳои гуногуни иқтисодиёти Тоҷикистон амалӣ карда шуданд.
Назар ба маълумоти пешниҳоднамудаи Вазорати рушди иқтисод ва савдои кишвар, маблағи умумии лоиҳаҳои амалигардида 2,8 миллиард доллари амрикоиро ташкил медиҳанд.
Бояд тазаккур дод, ки шумораи лоиҳаҳои дар ин давра татбиқгардида нисбат ба ҳамин давраи соли гузашта 16 лоиҳа ё ба маблағи 582 миллион доллари амрикоӣ зиёд мебошанд.
Қисмати бештари лоиҳаҳои сармоягузорӣ дар кишвар аз ҳисоби ташкилоти байналмилалии молиявӣ татбиқ гардидаанд.
↧
Дар риштаи иқтисодӣ 70 лоиҳаи сармоягузорӣ ба маблағи 2,8 миллиард $ амалӣ карда шуданд
↧